Այս գիշեր բավական լարված էինք, որովհետեւ ցրտահարության վտանգ կար: Այս մասին, այսօր՝ ապրիլի 9-ին, կառավարության նիստի ժամանակ նշեց ՀՀ վարչապետ Նիկոլ Փաշինյանը:
«Կարող ենք արձանագրել, որ շատ թե քիչ նորմալ է անցել: Համենայնդեպս, այս պահին էական վնասների մասին տեղեկատվություն չունենք հանրապետության մասշտաբով: Արցախում եւս որեւէ խնդիր չկա»,-ասաց վարչապետը:
Իր հերէին Էկոնոմիկայի նախարար Տիգրան Խաչատրյանը հավելեց. «Այս գիշեր Արարատի մարզում զրոյից բարձր է եղել ջերմաստիճանը: Արմավիրի մարզում առանձին հատվածներում եղել է զրոյից ցածր ջերմաստիճան: Այնտեղ հիմա մեր մասնագետները փորձում են պարզել, թե որտեղ են ցրտահարություններ արձանագրվել: Դրանք Բաղրամյանի շրջանի եւ Արագածոնի մարզի որոշ բնակավայրեր են, որոնք սահմանակից են Արմավիրի մարզին: Օրվա ընթացքում տվյալները կճշտվեն, վնասված են լինում հիմնականում որոշ ծիրանի այգիներ, բայց Արարատի եւ Արմավիրի մարզերում լայնամասշտաբ ցրտահարության վտանգը պետք է անցյալում համարել»:
Նա ընդգծեց, որ այս գիշեր նույնպես պետք է զգույշ լինեն:
Комментариев нет:
Отправить комментарий